سؤال:
دُعيت للخدمة، ولكن ميعاد الخدمة في نفس وقت حصة اللغة القبطية ولقد درست تلك اللغة نحو ثلاثة أعوام، ولكن المناهج المعدة لم تنتهِ بعد. فأرشدني ماذا أفعل؟ هل أترك تعلم اللغة القبطية التي أود أن أساعد في نشرها أم أترك الخدمة؟ مع العلم إني دعيت للخدمة أكثر من مرة ولم ألب؟ [1]
الإجابة:
واحد دُعي للخدمة وفي نفس الوقت عنده دروس اللغة القبطية ومش عارف ينفذ دي ولا دي.
أنا من رأيي إن لا يصح إن خدمة تعطل خدمة فحاول إنك تتفق إما مع بتوع اللغة القبطية، يا إما مع بتوع الخدمة.
ومن جهة الخدمة في كنايس كتيرة بتختلف في المواعيد بتاعتها. فإذا كنت هتخدم ما يهمش فين الكنيسة. ممكن تختار كنيسة من الكنائس تخدم فيها في ميعاد ما يعطلش الدروس بتاعتك. أو إنك أنت ممكن تتفق مع اللغة القبطية يحولوك على فصل، وفي فصول كتير للغة القبطية ما يكونش الفصل يتعارض مع الخدمة. يعني حاول إنك توفق بين دي ودي وتقدر تجمع بين الاتنين إن شاء الله.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان ” الهدف في الحياة الروحية” بتاريخ 9 أبريل 1976م