سؤال:
واحد بيقول مراته ما بتخلفش عيال، وبيقول ذهبت بيها إلى جميع الدكاترة وليس لها في الإنجاب وأنا وحيد لوالدي المُسن وأريد الزواج من أخرى؟ [1]
الإجابة:
لأ يا حبيبي، تتجوز من أخرى لأ، ما تقدرش تسيب مراتك علشان هي ما بتخلفش عيال حرام وهي ذنبها إيه، والكتاب بيقول: “الْبَنُونَ مِيرَاثٌ مِنْ الرَّبِّ” (مز127: 3). ربنا لو عايز يديك عيال هيديك عيال لكن مراتك ما بتخلفش، قوم تسيبها وتاخد غيرها؟ دا جايز لو خدت غيرها في زواج خاطئ من هذا النوع وخلفت عيل ممكن العيل دا يكون مرارة ليك طول عمرك ويدوقك المُرّ وتقول دا ذنب اللي سيبتها دي، لا يا حبيبي لأ غلط الكلام دا، المفروض تحب مراتك وتعطف عليها وإن زعلتها تصالحها وما تخليش حكاية العيال هي السبب.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان ” ما هي الحياة وكيف نحيا؟” بتاريخ 15 يوليو 1992م