سؤال:
واحده بتقول: هل مساعدة أهلي من وراء زوجي حرام؟ [1]
الإجابة:
المسألة دي تتوقف على إن الزوجة بتشتغل أو ما بتشتغلش.
يعني لو بتشتغل وبيجي لها إيراد شخصي وتدي أهلها، هو ما لهوش دعوة بإيرادها الشخصي. إذا كانت من إيراده هو جايز يتعب إنها بتدي حاجة من وراه.
كمان هل المسألة فيها كدب ولا ما فيهاش؟ إذا كان فيها كدب يبقى حرام، لو إنك أنتِ حببتي زوجك في أهلك وأصبحت المسألة معروفة، تمر كويس ولو هو يدي أهله وأنتِ تدي أهلك والحكاية ماشية على بعضيها. لو كان ليكي من فلوس زوجك مصروف خاص بتاعك أنتِ معروف إن ده مصروفك الخاص يعني اللي يسموه Pocket Money بتاعك ممكن في الحالة دي لو دفعتي منه أنتِ حرة.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “ما لم تر عين” بتاريخ 11 نوفمبر 1992م