سؤال:
واحده بتقول مشكلة إنسانية – مسكينة، ليها حق فيها – بتقول: إنها خَطَبِت واحد، ولم تَستَرِح لسلوكه، وكان معروف إن هو غير سَوي، فاتفَسَخِت الخطوبة. ولما اتفَسَخِت الخطوبة، ابتدى يطَلَّع عليها كلام مش كويس، لدرجة إن لما واحد خَطَبها تاني، فَك بسبب الكلام. وبتقول في الآخر: ولم يَقُل إنه انتقام إلا بعد التأكد من فَسخ الخطوبة الجديدة. بتقول: تعمل إيه عشان كرامتها؟ [1]
الإجابة:
كون إنه قال: إن ده انتقام، ولو بعد فَسخ الخطوبة، ده يرُد لك كرامتك، وما تضايقيش. وطبعًا مثل هذا الإنسان، ربنا مش هيسيبُه يعني. لأنه كون إن يمسِك سُمعِة بنات ويكَلِّم عليها، إنسان مش مظبوط يعني.
ناس فَكُّوا الخطوبة، خلاص، ده ما استرَيَّحش لده، كل واحد يروح في حالُه. لكن كل واحد يروح في حالهُ معناها كلام مش كويس! عمل غير أخلاقي، وغير إنساني. ما يهمكيش يا بنتي، ربنا هو يُرِّد لك حقك.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “المعرفة الضارة” بتاريخ 20 مايو 1992م