سؤال:
هل روح الإنسان المُنتقل – اللي مات يعني – تشعر بأولادها أو من تركتهم على الأرض، مثال: أم تركت ٣ أطفال أولادها فهل تشعر بيهم وتفرح بيهم؟ [1]
الإجابة:
أه طبعًا ممكن، يعني اللي في السما ممكن يشعروا باللي على الأرض، زي ما أبونا إبراهيم كان عارف إن لعازر بيتعذب وكان عارف إن الغني بيتعزى عارف، لكن مش ضروري كل حاجة يعرفوها، يعني مش معناها عيل صغير وقع اتعور تقعد تعيط هي في فردوس النعيم، وتقول للعيل: اسم الله عليك يا ابني، مش معقول!
يعني ربنا هيعرفها أخبار بس الأشياء المُحزنة ما يوصلهاش ليها، لأن الفردوس بنقول عليه: الموضع الذي هرب منه الحزن والكآبة والتنهد. تعرف لكن مش ضروري كل حاجة.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “ما هي الحياة وكيف نحيا؟” بتاريخ 15 يوليو 1992م