السؤال:
بيقول يقول السيد المسيح عن اليوم الأخير “أَقُولُ لَكُمْ: إِنَّهُ فِي تِلْكَ اللَّيْلَةِ يَكُونُ اثْنَانِ عَلَى فِرَاشٍ وَاحِدٍ، فَيُؤْخَذُ الْوَاحِدُ وَيُتْرَكُ الآخَرُ، تَكُونُ اثْنَتَانِ تَطْحَنَانِ مَعًا، فَتُؤْخَذُ الْوَاحِدَةُ وَتُتْرَكُ الأُخْرَى يَكُونُ اثْنَانِ فِي الْحَقْلِ، فَيُؤْخَذُ الْوَاحِدُ وَيُتْرَكُ الآخَرُ” (لو17: 34-36) ؟ [1]
الإجابة:
طبعًا الكلام ده السؤال غلط يعني، السؤال غلط في عبارة (يقول المسيح عن اليوم الأخير)، الكلام ده مش على اليوم الأخير، هي المسألة إن الإصحاح الذي ذكر فيه المسيح نبوءات عن خراب أورشليم، وعن اليوم الأخير، هو إصحاح واحد موجود في متى 24 وموجود في لوقا.
فهنا الكلام عن خراب أورشليم، لما خربت أورشليم أثناء ما استولى عليها تيطس القائد الروماني، حدث إن فيه ناس قعدوا، وناس ماتوا، وناس استطاعوا يهربوا، وناس ما استطاعوش، “اثنتان على الرحى واحدة ماتت واحدة قعدت”، “اتنين في الحقل واحد مات واحد قعد”، عارفين دايمًا في الحروب إللي بيقدر يهرب يهرب، وإللي بيقعد يقعد فده كان عن خراب أورشليم وليس عن اليوم الأخير، في اليوم الأخير من هيقدر يهرب منه؟ مافيش؟ إن عرفت لنا طريقة قُل لنا..
ثم الأبرار لا يهربون لأن هيجي لهم المجد والمكافأة فا هيهربوا ليه؟ ده منتظرين “تَعَالَوْا يَا مُبَارَكِي أَبِي، رِثُوا الْمَلَكُوتَ الْمُعَدَّ لَكُمْ مُنْذُ تَأْسِيسِ الْعَالَمِ” (مت25: 34) فما يهربوش، والأشرار هيهربوا إزاي؟
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “القسوة” بتاريخ 12 فبراير 1992م