سؤال:
واحد بيقول: لماذا المسيح له المجد الدائم اختار يهوذا من تلاميذه مع إن يهوذا كان يحب المال، وهل الروح القدس حلت عليه؟ (حل عليه الروح دايمًا نقول بالمذكر)، وأيضًا ربنا يسوع المسيح كان عارف إنه هينكره ويبيعه لماذا اختاره؟ [1]
الإجابة:
هو مبدأ تكافؤ الفرص، مبدأ تكافؤ الفرص، ربنا يختار كثيرين، الدعوة لكثيرين ولكن المختارين قليلون. فهو دعاه للخدمة زي ما دعانا جميعًا أن نكون أولاده، ولكن ليس الجميع يخلصون فمش دعاه للخدمة يعني أدى له حق الخلاص لأ، أدى له فرصة لعله يتأثر من عشرته للمسيح، ويتأثر من سماعه لكلامه ويبقى في الحالة دي لو عاشر المسيح أكتر من تلات سنين وأخد من مواهبه، وسمع عظاته، وشاف شخصيته وكل ده وخانه، يبقى قُدمت له كل الإمكانيات اللازمة.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “عوائق وليست موانع” بتاريخ 9 ديسمبر 1992م