سؤال:
واحد بيقول: ماذا بعد خروج الروح من الجسد؟ [1]
مش عارف أسئلة كتيره بتجيني عن الموضوع ده ليه؟ حد ناوي ولا إيه؟
بيقول: ماذا بعد خروج الروح من الجسد؟ وما هي الأخطاء الذي يُحاسبنا الله عليها؟
يحاسبنا على كل حاجة.
وأين تذهب الروح بعد خروجها؟
الأشرار يروحوا الجحيم، والأبرار يروحوا الفردوس.
وهل ستكون مع الأرواح الذين سبقوها؟ وهل ستتقابل أرواح الآباء والأخوات والأُمهات؟
حسب الدرجات. حسب إيه؟ الدرجات.
يعني جايز يتقابلوا، وجايز واحد يكون في درجة تانية، وجايز واحد زي ما حصل في الغني ولعازر قال له: “بَيْنَنَا وَبَيْنَكُمْ هُوَّةٌ عَظِيمَةٌ قَدْ أُثْبِتَتْ” (لو16: 26)، شايف لكن مش قادر يوصل.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “البر الذي في الداخل” بتاريخ 2 ديسمبر 1992م