سؤال:
واحد بيقول: قال لي أحد الجيران إن الإنسان مهما كان متدين يُمكن إن شخص يعمل له عمل يضرّه، وأنا قلت له: ما دام الإنسان متدين ويصلي جميع الصلوات ومؤمن بربنا يسوع فلا يقدر أحد أن يفعل له شيء، هل كلامي صح ولا غلط؟ [1]
الإجابة:
لأ، كلامك صح.
السيد المسيح بيقول: “أُعْطِيكُمْ سُلْطَانًا لِتَدُوسُوا الْحَيَّاتِ وَالْعَقَارِبَ وَكُلَّ قُوَّةِ الْعَدُوِّ…” (لو10: 19)، “أعطانا السلطان أن ندوس الحيات والعقارب وكل قوة العدو” وبنقول الكلام ده في صلاة الشكر، ومع ذلك نصلي في كل صلاة الربانية نقول: “وَلاَ تُدْخِلْنَا فِي تَجْرِبَةٍ، لكِنْ نَجِّنَا مِنَ الشِّرِّيرِ” (مت6: 13)، وربنا قادر إنه يحافظ على أولاده بيقول: حتى أَبْوَابُ الْجَحِيمِ لَنْ تَقْوَى عَلَيْهَا (مت16: 18).
فما تخافش ما دام أنت مع ربنا مفيش حد يقدر عليك، ولكن إذا حدثت تجربة ربنا يقف معاك فيها، مش لو حدثت لك تجربة تقول: معمول لي عمل، ما هو الشيطان ممكن يعمل أي حاجة لكن ربنا بيحافظ على أولاده، وإن حدثت لك تجربة ربنا يحافظ عليك فيها. ده إن تضايقت قول: الثلاثة فتية كانوا في أتون النار، وما جرى لهمش حاجة. ما تخافش أبدًا.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان ” المحبة لا تسقط ابدًا” بتاريخ 29 يوليو 1992م