سؤال:
واحد بيقول: وأنا خارج من الكنيسة في الشارع قدام الباب وجدت مبلغ قليل من المال، أخدته كنوع من البركة، متفائل به، هل أرده للكنيسة أو أردّ ما يعادل هذا المبلغ؟ [1]
الإجابة:
هو إن اعتبرته بركة ليك لكن مش بركة للي وقع منه، إنك تاخد فلوسه، أنت مش من حقك تحط في جيبك فلوس مش بتاعتك. لقيت حاجة ترجعها لأصحابها، أو ترجعها للي ممكن يرجعوها لأصحابها، ده زي البعض كان ساعات بعض ما أمضي الكتب اللي هنا والصور، واحد يقول خدت صورة بركة، دي بتاعت واحد، واحد قدمها لي عشان أمضيها له، قوم أنت تاخدها بركة وصاحبها يعمل إيه؟ ده تحت اسم بركة دي ياما بتحصل حاجات.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “الكتاب المقدس وكيف كتب؟” بتاريخ 16 ديسمبر 1992م