سؤال:
واحد بيقول: لماذا بكى السيد المسيح عند قبر لعازر وهو قادر أن يجعله لا يموت؟ [1]
الإجابة:
هي مسألة عاطفة من جهة، ومن جهة تاني السيد المسيح يعني بكى من أجل نتائج الخطية الصعبة لما أُخت لعازر بتقول له: “قَدْ أَنْتَنَ” (يو11: 39)، فشاف إزاي الخطية سببت الموت، ومش بس سببت الموت، سببت إن الإنسان اللي يموت يجي عليه وقت يُقال: إنه قَدْ أَنْتَنَ بدأ الدود يأكله! فدي نتائج الخطية الصعبة اللي السيد المسيح قصادها بكى.
وما فيش شك أيضًا من جهة عواطف المسيح يعني، لكن ولذلك احنا لما بنكون في صلاة جناز في كنيسة وتعيط أم أو أُخت أو حد من القرايب. مرة حصل قصادي وأنا أسقف والكاهن انتهرها وقال لها: بس بطلي بُكاء، قلت له: يا حبيبي دي عواطف دي مين يقدر عليها دي مسألة إنسانية، لكن مش يصوتوا ويشوشروا على الكنيسة، لا البكاء الرزين لكن مش تقولوا: ادانا حرية إننا احنا نصوت، لا تصوتوا لأ، صوتوا دي في الانتخابات دي نقولها لكم بعدين.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “عوائق وليست موانع” بتاريخ 9 ديسمبر 1992م