سؤال:
سؤال هل يجوز لامرأة خادم كنيسة أرثوذكسية أن تقوم بتنظيف المذبح في الكنيسة نيابة عن زوجها المريض بالمستشفى؟ [1]
الإجابة:
لأ. المرأة ما تخشش المذبح وتنظفه، ينظفوه شمامسة، شمامسة يخشوا جوه وينظفوا المذبح. لكن المرأة ما تخشش، مع شكرنا ليها ونياتها الطيبة لكن غير مقبول. المرأة ليها مجال كتير جدًا للخدمة يعني مش ناقص غير المذبح عندها مجال كتير تخدم فيه.
يا ريت إذا كانت امرأة مش لاقيه خدمة الكنيسة هنا بتبقى قبل يوم الجمعة التراب والكراسي والحاجات دي، لو تجتمع مجموعة من السيدات عشان ينظفوا الكنيسة يبقى كتر خيرهم بدون ما يخشوا المذبح. المذبح ينظفه خدام المذبح.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “المسيح والكنيسة” بتاريخ 22 مايو 1981م