سؤال
كثير من الشعب يكون عملهم بعد الظهر ومواعيد القداسات من الساعة 2 ل 4 تقريبًا، ولا يوجد صباحًا قداس، فمعنى هذا إنه سينقضي الصيام كله دون أن نأخذ بركة القداس، لماذا لا يكون قداس صباحًا؟ [1]
الإجابة:
طبعًا يوم الأحد القداسات صباحًا لأن لا يجوز عمل قداسات بعد الضهر يومي السبت والأحد، لأن ممنوع فيهم الصيام الانقطاعي، فما تِتعِمِلش فيهم قداسات بعد الضهر، اللي عايز يحضر قداس الصبح في أي وقت بدري خالص حتى ممكن السبت وممكن الأحد.
يبقى باقي الأيام، باقي الأيام مفروض إن يكون فيه صيام، والصيام الكبير يكون فيه انقطاع، انقطاع عن الطعام، فلو اِتعَمَل القداس الصُبح، يبقى معناها كَسَرنا الصيام، هو ممكن إن القداس يوم الجمعة لو بدأ 9 وخرج 12، يعني ما يخرجش قبل 12، ممكن يتعِمِل قداسين، قداس للناس الضعفاء والمرضي واللي ليهم ظروف خاصة، يبتدي 9 ويخرج 12 مثلًا، وقداس يتعِمِل بعد الضهر للي ممكن يخرجوا بعد الضهر.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “الرجاء”، بتاريخ 1 فبراير 1974م