سؤال:
من هم الذين يهربون؟ وإيه معنى “صَلُّوا لِئَلَّا يَكُونَ هَرَبُكُمْ فِي شِتَاءٍ أَوْ سَبْتٍ” (مت24: 20)؟ [1]
الإجابة:
في الحقيقة إصحاح متى 24 اتكلم على نقطتين نقطة منهم خراب أورشليم اللي تمّ سنة 70 ميلادية على يد الوالي الروماني، وجزء تاني من الإصحاح على نهاية الأزمنة فساعات ناس بيلخبطوا، حكاية “صَلُّوا لِئَلَّا يَكُونَ هَرَبُكُمْ فِي شِتَاءٍ أَوْ سَبْتٍ” (مت24: 20)؟ دي عن خراب أورشليم فلخراب أورشليم كانوا اليهود بيجروا خايفين، ساعات لما يكون سبت مش قادر يشيل حاجة، مش قادر يعمل يعني على حسب طبيعته بيتعب، وفي الشتاء بتبقى صعوبة، فدي عن خراب أورشليم مش عن نهاية العالم، وهربوا لأن الوالي الروماني خرّب المدينة فكانوا بيهربوا، لكن مش على نهاية العالم نهاية العالم ما فيهاش هروب، الواحد هيهرب منين؟
كمان اللي ورد في الإصحاح ده اللي بيقول اتنين يكونوا موجودين “تُؤْخَذُ الْوَاحِدَةُ وَتُتْرَكُ الأُخْرَى” (مت24: 41)، في نهاية الأيام مفيش واحدة تتاخد والتانية تترك ده الكل بيتاخد فدي عن خراب أورشليم.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “الجلوس مع النفس ومحاسبتها بمناسبة الصوم– الاعتراف” بتاريخ 22 مارس 1992م