سؤال:
هل أكل السمك يوم الأربع والجمعة حرام أم حلال؟ [1]
الإجابة:
حرام، وحرام، وحرام.
يعني أنت مش عايز تبقى نباتي ولا حتى يوم الأربع والجمعة؟ مش لاقي غير الأربع والجمعة تاكل فيهم سمك؟
ده بيفكرني بواحد، بتضحكوا ليه؟ إحنا لسه ما قولناش حاجة، الواحد ده كان يعمل إيه؟ عايز ياكل، فيوم الأربع بدال ما يتعشى الساعة 10 يقول: أستنى لما تيجي الساعة 12 وبعدين نبقى دخلنا في جديد ويفطر، ياكل أكل فطاري يقول الأربع خلص، ويجي يوم الجمعة بدال ما يتعشى الساعة 9 ولا 10 يستنى لبعد 12 ويتعشى فطاري وفاكر إنه أخد شكليات الصيام.
عارف أنت يا ابني ما دام بتحب السمك، يبقى أحسن ضَبْط لنفسك إنك تبطل السمك ده هو، صحيح، وخيرٌ ليك إنك تروح ملكوت السموات من غير سمك، من غير ما تاكل سمك وتضيع روحك، إلا لو أردت إن سُمكك يزيد يعني.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “عوائق وليست موانع” بتاريخ 9 ديسمبر 1992م