سؤال:
واحِد بيقول هَل يجوز الاِستحمام وغسل الفَم بالمعجون في الصباح قبل التناول؟ [1]
الإجابة:
ماعنديش مانِع إنك تِستحمى لكي تدخُل بجسد نظيف، لكِن ماء يدخُل فَمك دي لأ. اغسل فَمك كويس جدًا بليل وادعكُه بالمعجون خمس سِت مرَّات ولكِن الصُبح ما تاخُدش حاجة جوَّه فمك. لكِن الاِستحمام دي مياه خارجك مش جُوَّاك، فمفيش مانِع إنك تستحَم. الاِستحمام يعني ما يختلِفش عن غسيل الوجه، بس غسيل الوجه هو غسيل جُزء من الجسم لكِن في الاِستحمام الجسم كُله.
ومفروض الإنسان يخُش المناولة بجسم نضيف وهدوم نضيفة، فلا مانِع لدينا من الاِستحمام قبل التناول على شرط مفيش حاجة تدخُل فمك لكِن حكاية المعجون دي لأ.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “الفرح بالرب” بتاريخ 6 مايو 1992م