سؤال:
واحد بيقول: لماذا كان السيد المسيح يسمح لتلاميذه بحمل السلاح؟ فبطرس استل سيفه وقطع أذن العبد؟ [1]
الإجابة:
في الحقيقة ما كنش بيسمح ليهم إنهم يحملوا السلاح. لأن لما بطرس قطع ودن العبد السيد المسيح قال له: “رد سيفك إلى غمده من أخذ بالسيف بالسيف يؤخذ”، “رُدَّ سَيْفَكَ إِلَى مَكَانِهِ. لأَنَّ كُلَّ الَّذِينَ يَأْخُذُونَ السَّيْفَ بِالسَّيْفِ يَهْلِكُونَ!” (مت26: 52). يعني قال له: دي مش طريقتنا وعالج ودن العبد.
لكن غالبًا بطرس كان معاه نوع من السلاح إللي كان بيقطعوا بيه خروف الفصح، لأن في نفس الليلة كانت ليلة خروف الفصح. فكان معاهم سلاح بيقطعوا بيه خروف الفصح، ويظهر احتفظ بيه بطرس. وربنا قال له: الطريقة دي ما تنفعش. مش شغلانتنا دي.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “الوسائط الروحية – الخدمة” بتاريخ 24 يونيو 1992م