سؤال:
واحد بيقول: بعد ما بدأت أُصلي الشيطان بيحاربني بشدة، فمثلًا قبل الصلاة أهتم مش عارف بإيه وإيه إلى آخره؟ ويشد انتباهي إني أبتعد عن الصلاة؟ [1]
الإجابة:
الشيطان لما يحاربك دي طبيعته لكن أنت لازم تقاوم، هو كل ما الشيطان يحاربك تقع؟ خليك شديد الكتاب بيقول: “قَاوِمُوهُ، رَاسِخِينَ فِي الإِيمَانِ” (1بط5: 9) فمهما حاربك الشيطان لازم تكون شديد وتقاومه.
الشيطان يقترح اقتراحات لكن لا يرغمك على إنك أنت تسلك فيها، يعرض عليك معطلات لكن لا يرغمك على إنك أنت تلتفت إليها. منين ما يجي لك أي فكر تقول: يخزيك يا شيطان، غمض عينيك وأنت بتصلي ما تبصش، ركز في الصلاة إلى آخره.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “تأملات في الثلاث تقديسات قدوس الله ج2” بتاريخ 30 ديسمبر 1992م