سؤال:
واحد بيقول: تمن القربانة غِلي قوي؟ [1]
الإجابة:
الظاهر إن القرابنية هيبقوا رأسمالية يعني. أنا قلت إن احنا عايزين نعمل فرن قربان آلي، يا ريت حد يساعدني في الموضوع ده يشوف مين المتخصصين اللي يفهموا في الحكاية ديَ، ونعملكوا فرن قربان آلي. والقربانة تبقى يعني بتكلفتها ويبقوا القرابنية مش هيلاقوا حد يشتري منهم فيدوروا لهم على صنعة تانية.
وأنا قلت أصلًا إن احنا عايزين نكرس بعض من الشبان يعني في رتب شماسية إبيدياكون مثلًا مساعد شماس ويعمل القربان. ومفروض إنه هو بيعملوا القربان يكون بيصلي الصلوات، بيقول المزامير، بيقول التسبحة كما يليق بصُنع القربان. برضو فكروني بالحكاية دي. الظاهر أنا محتاج لواحد يتابعني فيما أقوله وكل شوية والتانية يقول لي: عملت إيه، عملت إيه، عملت إيه.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “كيف نعرف الله ج2” بتاريخ 29 يناير 1992م