سؤال:
واحد بيقول: “أنا عاهدت الرب إني أترهبن في بداية التوبة ودلوقتي حاسس إني لا أستطيع الرهبنة، فماذا أفعل؟ [1]
الإجابة:
وتعاهد ليه؟
أنا قلت لكوا دايمًا، ويا ريت تنشروا هذا الفكر وسط كل الناس: بدلًا من أن تتعهد أمام الله أو تَنذِر حوِّلها إلى صلاة! بدل ما تقول: “يا رب أنا أُعاهدك إن أنا أبقى راهب”، قُل له: “يا رب ساعدني إن أنا أبقى راهب، لو كانت دي مشيئتك. سهل لي هذا الطريق بتاع الرهبنة، إن كانت مشيئتك”، أُمَّال ليه بتصلّي باستمرار وتقول: “لتكن مشيئتك” ما دام أنت بتعمل تعهُدات؟
بلاش الأسلوب ده!
روح قابل أب اعترافك وقُل له بالظبط إيه نوع الكلام اللي أنت قولته، لأن بناءً على الكلام ده يبقى يتحل موضوعك.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “الجدية في الحياة الروحية ج1” بتاريخ 22 يوليو 1987م