سؤال:
واحد بيقول: يأتي الصيام ويأتي معه الطقوس. أصوم أول مرة صيام انقطاعي هذا العام ابتداء من صيام عيد القيامة، (يقصد الصوم الكبير، هو مش عارف اسمها) وأطلب من الرب الاستمرار، ولكن منذ شهر تقريبًا أُصبت بمرض كلوي حاد في الجانبين، ودخلت المستشفى لمدة أسبوع، وطُلب مني الاستمرار في تناول الماء بكمية كبيرة، بالذات كل صباح، فماذا أفعل؟ [1]
الإجابة:
هو السوائل بتغسل الكلى وتنضفها، إن كان عندك مغص كلوي صح، في تعب في الكلى فالدكاترة بيقولوا لك: تاخد سوائل كتيرة علشان تنضف الكلى.
إذا كان لا بد من دي ممكن تشرب شوية السوائل وتفضل صايم زي ما أنت.
لكن مش بيقولوا لك: اشرب شوية سوائل قوم تأخذ مع السوائل بيضة مقلية أو حاجة، أو كوباية لبن لأ، سوائل يعني سوائل يعني تاخد ميه، ميه تغسل وتفضل صايم زي ما أنت. واعتبر إن الميه دي دواء، لغاية ما ربنا يشفيك من الكلى، وطبعًا لا بد إن اللي يقول لك النصيحة يكون طبيب متدين لأن في أطباء يشفقوا على المريض وما يهمشهم الصيام، لكن إذا كان طبيب متدين يحاول أنه يجمع ما بين الناحيتين بين الشفقة على المريض صحيًا وبين نواحيه الروحية.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “المحبة تحتمل كل شيء” بتاريخ 5 أغسطس 1992م