سؤال:
واحد بيقول: “عندما أعترف أمام الأب الكاهن أعترف بالخطايا التي تتكرر في كل مرة وأنسى أكثر الخطايا، ولم.. انتهي من الاعتراف أشعر بالذنب لأني..”، يعني.. “تركت بعض الخطايا التي لم أذكرها؟ [1]
الإجابة:
هو المهم ما يكونش عندك نية إنك ماتقولش، لكن كون إنك نسيت لما تفتكر ابقى قُول. بس ما يكونش عندك نية إنك تخبي، ده الغلط!
إذا ما كانش عندك النية دي ونسيت، يبقى منين ما تفتكر ابقى قول. بس يبقى عيبك إنك أنت ما بتعملش الطرق اللي تخلّيك تفتكر، فمفروض قبل الاعتراف الواحد يقعد بينه وبين نفسه ويحاسب نفسه ويحاول يفتكر.
كمان مفروض إن كل خطية يرتكبها يوبخ نفسه عليها عشان تثبت في داخله وما ينساهاش.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “الجدية في الحياة الروحية ج1” بتاريخ 22 يوليو 1987م