سؤال:
واحدة بتقول: أرجو أن تصلي أن يدبر الرب لي ثمن خروف، لأني تأخرت عن سداده من ١٨ سنة. وأنا زمان كنت سألت أب اعترافي إن كان ممكن أدفع بداله مبلغ من المال. وبعدين لو لم يوفي النذر هل يطرد الإنسان من الملكوت؟ [1]
الإجابة:
لأ طبعًا ما يطردش عشان خروف ولا معزة حتى.
شوفوا أنا مستعد كده في السر أديكي تمن الخروف، وتنقي خروف يعني أحسن خروف. هو التمن غلي لكن برضو المدة طويلة اللي أنتِ اتأخرتي فيها. تقدري تقابلي أي واحد من السكرتارية في السر وتقولي له: أنا بتاعت الخروف.
ده أنا فاكر زمان مرة ناس قالوا لي سؤال زي كده. قلت لهم ١٨ سنة ده زمان الخروف يكون كبر بقى عجل مش معقول هيقعد خروف!
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “ما هو الحق؟” بتاريخ 12 أغسطس 1992م