سؤال:
مشكلتي التردد في كل شيء لدرجة إني خاطب فتاة من أربع سنوات، وأخاف الزواج بها؟ [1]
الإجابة:
إيه ده خطوبة مع إيقاف التنفيذ دي ولا إيه؟! وطب وذنبها إيه البنت يا ابني؟ ده كويس إنك أنت ما تتجوزش وتقول التردد بأثر رجعي، وتضيع البنت معاك.
لا بد أن تعالج التردد إذا لم تستطع إنك تعالج ترددك، خذ مشورة شخص كبير روحي تثق به وقول: أنا هنفذ إذا كنت أنا شخصيًا مش قادر أوصل لفكر هنفذ رأي هذا الشخص الكبير الروحي وتنفذ، ولكن تقعد بالشكل ده وتضيع مستقبل البنت ده حرام! يمكن ترددك في الأمور الخاصة بك متاعبه عايدة عليك لوحدك، لكن ترددك في خطوبة أربع سنوات ولسه بتفكر ده تردد يتعب غيرك، حرام.
تروح كده عند شخص روحي كبير وتقول له: أنا هخد الكلام من فمك كما من فم الله واللي تقوله لي هنفذه. سواء كان أب اعترافك، أو مرشد روحي موثوق به أو أي حد، لكن ما تقعدش كده متردد.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “الوسائط الروحية – الخدمة” بتاريخ 24 يونيو 1992م