سؤال:
واحده بتقول: هل تشغيل القداس الإلهي في المنزل وأنا بقوم بعملية النظافة والغسيل حرام؟ أم لأ؟ [1]
الإجابة:
ممكن تشغلي تراتيل أو مدايح مش ضروري قداس، يعني فيه كاسيتات كتيرة للتراتيل، للتسبحة، للمدايح ممكن تشغليها. لكن القداس المفروض إنك تستمعي إليه بخشوع.
يعني حالة الطبيخ والغسيل والنظافة ما تلقش بالخشوع اللائق بالقداس. وخصوصًا لو جه وقت قال: اسجدوا لله بخوف ورعدة، هتسيبي الغسيل وتسجدي في المطبخ؟ مش معقول يعني. أو قِفوا بخوف من الله، وأنصتوا لسماع الإنجيل المقدس، خوف الله أثناء… يعني نهايته.
الترانيم ممكن والعظات ممكن عظة وأنتِ بتطبخي ما فيش مانع.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “تأملات في الثلاث تقديسات قدوس الله ج2” بتاريخ 30 ديسمبر 1992م