سؤال:
واحد باعت لي عن طقس استقبال كاهن جديد، وإزاي ياخدوا مراته ويلفوا بيها؟ [1]
الإجابة:
حاجة تكسف، صدقوني، إن أنا قاعد أقرأ وأنا مكسوف.
أنا أريد أن أقول، ونشرت هذا أيضًا في مجلة الكرازة، إن الكاهن بعد الأربعين يومًا يرجع إلى شعبه. وليس يرجع إلى زوجته. كونه إن يرجع لزوجته، يعني الأربعين يوم الرجل خدهم كده كعذاب بعيد عن الزوجة. فأول ما ييجي يجيبوا له الزوجة. ويبقى الشعب ده كله بقى الله يعوض عليه. الكاهن بيرجع لشعبه، مش لزوجته. وما فيش حاجة اسمها طقس استقبال الزوجة. ده طقس استقبال الشعب لكاهنه، ولبداية الرعاية فيه. لكن عند بعض إيبارشيات أخرى بيحصل كده.
أنا يعني إن شاء الله أفتكر أن الموضوع ده أعرضه في المجمع المقدس، لكي نأخذ قرارًا إجماعيًا به.
حاجة تكسف!
على رأي واحد باعت لي سؤال بيقول لي: ما كناش عارفين هل هو ده طقس استقبال الكاهن؟ ولا زفاف جديد للكاهن؟
يرجع بعد الأربعين يوم يستلم شعبه. مش يستلم مراته.
حاجة تكسف.
قداسة البابا شنوده الثالث
[1] سؤال أجاب عنه قداسة البابا شنوده في عظة بالكلية الإكليريكية بعنوان “الآيات التي يستخدمها الأريوسيون – أبي أعظم مني” بتاريخ 4 فبراير 1992م