سؤال:
ما رأي قداستكم في الامتناع عن الإنجاب لفترة من بداية الزواج؟ [1]
الإجابة:
أنا ضد هذا على خطٍ مستقيم. هقولكوا ليه، كتير من الناس استخدموا حبوب وحاجات لمنع الإنجاب، فكانت النتيجة إن أصابهم العقم وأصبحوا ما بينجبوش.
أنتوا في الأول تخلّفوا عيال وتطمئنوا على إن عندكوا أولاد يغذوا غرائز الأبوة والأمومة عندكوا، وبعد كده عايزين تمتنعوا، امتنعوا، لكن بعد ما تضمنوا في الأول إن يكون عندكوا عيال. البدء بيها خطر جدًا جدًا.
دي نقطة، تاني نقطة: أنا أميل إلى إن اللي بيتجوزوا ما يخلّفوش عيل واحد، لازم يخلّفوا له أخ يلعب معاه ويتسلّوا مع بعض. ساعات الولد الصغير لما يكون فرداني وما لهوش أخ يلعب معاه ويتكلم معاه، وفي نفس سنه، وياخدوا ويدّوا، بيبقى تعبان. تعبان ونفسيًا يشعر بإنه محروم. بعد كده يدور له بقى على أي عيل من الجيران، من المدرسة، من الشارع، وده مش من صالحه.
قداسة البابا شنوده الثالث
[1] سؤال أجاب عنه قداسة البابا شنوده في ندوة الصالون الثقافي بنادي الصيد عن “الأسرة والمجتمع” بتاريخ 16 مايو 1996م