سؤال:
واحد بيقول: لماذا لا يكون هناك إنجيل مُرتَّل بطريقة القداس، لاستخدامه بالمُسجَّل أثناء الجنازات أو المناسبات الأخرى؟ [1]
الإجابة:
في ناس بيسجِّلوا الإنجيل على كاسيت Cassettes ويحطُّوها في العربية أثناء السفر يسمعوا كلام ربنا وهما مسافرين، يكون رايح رحلة مثلًا، مسافر سفر ياخد ساعة ونص، ساعتين، فبيحط Cassettes.
وأتذكر لما كنت في أمريكا، أدّوني مجموعة من الكتاب المقدس كله مُسجَّل على Cassettes باللغة الإنجليزية علشان أي واحد يحط Cassette كاسيت في العربية وهو ماشي، يسمع، أو في أي مناسبة.
لو كانت حكاية مُرتَّل؛ هتاخد وقت طويل يعني. ده ساعات فقرة بسيطة في القداس، ويقولها الشماس بترتيل، بتاخد مدة. هي المهم تعيين الهدف، هل هدفك إنك تسمع كلام ربنا ولّا هدفك إنك تسمع ألحان أو ترتيل؟ إذا كان على الترتيل، في ألحان برضو مُسجَّلة على كاسيت Cassettes، اللي عايز هيلاقي، كله موجود. لكن مش مسائل إن إحنا نرتل الإنجيل بنوع من التقليد يعني.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “المتضع بعيد عن الغضب” بكنيسة مار مرقس بمصر الجديدة بتاريخ 5 مارس 1981م