سؤال:
واحد بيسأل بيقول: قال ربنا إن شجرة معرفة الخير والشر ما تأكلش منها يوم ما تأكل منها موتاً تموت. فما هو نوع هذه الشجرة بالضبط؟ هل كانت شجرة تُفاح مثلاً؟ وهل أكل التُفاح حرام؟ [1]
الإجابة:
أنت يا ابني هتعقَّدها ليه؟
لأ، ما كنتش شجرة تُفاح. وإلا كان ربنا قال إنها شجرة تُفاح. ده قال شجرة معرفة الخير والشر.
حكاية “تُفاح” دي موجودة في قصص خياليَّة وفي كُتُب وهميَّة ما لناش دخل بيها. على ما أظُن موجودة في الكتاب المُزوَّر اللي بيسمُّوه إنجيل برنابا أو حاجة زي كدة.
لكن الكتاب المُقدَّس قال: “شَجَرَةَ مَعْرِفَةِ الْخَيْرِ وَالشَّرِّ” (تك2: 17). شجرة ما قالش نوعها إيه. لكن بها عُرِف الخير والشر بالنسبة لآدم وحواء إنهم بتوع خير ولّا بتوع شر.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان ” ما هو الحق؟” بتاريخ 12 أغسطس 1992م