سؤال:
واحد بيقول: إن هناك أمور كثيرة في الدسقولية لا تُنَفَّذ، مثل (مَن لا يصوم ليُفرَز من الكنيسة)، فأرجو إيضاح هذا الأمر؟ [1]
الإجابة:
في الحقيقة في قوانين كتيرة من قوانين الكنيسة من الصعب تنفيذها. أنا أتذكر أول مجمع مقدس حضرته في حياتي حينما كنت أسقفًا، أفتكر المجمع ده كان سنة 1963م، فمن ضمن الأشياء اللي اقترحتها يعني قانون العقوبات اللي موجود في الكنيسة ده ما نقدرش نمشي عليه أبدًا، وإنه تُترَك لأب الاعتراف نوع العقوبة.
زمان الكنيسة كانت مجموعة ضخمة من القديسين الجبابرة، ده أنتوا لما تقرأوا في بعض قوانين الكنيسة، يقول: الخطية الفلانية يتمنع عنها من الكنيسة سبع سنين، ودي الخطية دي يتمنع عنها 15 و20. ده إحنا لو عملنا كده، مين عارف يجري إيه، يعني الشعب لا يحتمل حاليًا قوانين العقوبات القديمة.
فإحنا نترك لآباء الاعتراف إذا وجدت عقوبة هما يُحَدِّدوها. لكن قوانين العقوبات دي مش هنقدر نمشي عليها بالأسلوب الصعب يعني.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “الخلاف بيننا وبين البروتستانت في الصوم”، لإعداد الخدام بكنيسة مار مرقس بمصر الجديدة، بتاريخ 3 أبريل 1981م